Кандидатот на новоизбраниот американски претседател Доналд Трамп за советник за национална безбедност, Мајк Волц изјави дека во блиска иднина очекува разговор меѓу Трамп и рускиот претседател Владимир Путин.

„Очекувам разговор меѓу Трамп и Путин во наредните денови и недели“, изјави Волц за „Еј-Би-Си“, не прецизирајќи датум, ниту формат.

Тој додаде дека „во тек се подготовки“ за состанокот и оти од перспектива на Трамп „не може да се постигне договор, ако нема некаков вид на односи и дијалог со другата страна и тоа апсолутно ќе се утврди во наредните месеци“.