Процесот на проширување на Европската Унија ќе продолжи да биде заснован врз заслуги, и нема да биде зависен од геополитиката, порачала комесарката за проширување Марта Кос пред Комисијата за надворешни прашања на Европскиот парламент.
Таа рече дека неодамнешните случувања во Грузија и Молдавија само потврдуваат дека мирот, слободата и просперитетот на Европскиот континент зависат како од силата на Унијата, така и од нејзината големина.
Токму поради тоа, политиката на проширување има повисока цел и треба да донесе придобивки не само за постојаните членки, туку и за идните.
