Универзитетската клиника за респираторни заболувања кај децата во Козле бележи зголемен број на амбулантски прегледи и хоспитализации, особено последниве денови. Во моменов се хоспитализирани 65 пациенти.

Од нив 10 се на интензивна нега, а меѓу нив две деца се ставени на кислородна поддршка. Бројот на заболени од грип во земјата продолжува да расте.

Изминатата недела се регистрирани 1.412 случаи, што е за над 34 отсто повеќе во споредба со претходната.

Сепак бројот на заболени во споредба со истиот период од минатата сезона е помал за 15,7%. Најголемиот број на случаи се пријавени во Скопје. Очекувањата се пикот на грипот де биде во средината на февруари.