По поразот од Ваљадолид кој беше петти во низа откако продолжи сезоната во Шпанија, раководството на Алавес реши да му врачи отказ на тренерот Асиер Гаритано.

Тој на клупата на екипата од Виторија дојде во мај минатата година, но поради катастрофалната серија во изминативе три недели мораше да се повлече од функцијата.

До крајот на шампионатот Алавес ќе се бори за опстанок во лигата, а неговиот наследник ќе мора да се именува во најкус можен рок бидејќи следниот натпревар е в петок, а противник е лидерот на табелата Реал Мадрид.