Украинскиот претседател Володимир Зеленски изјави дека ќе се сретне со рускиот претседател Владимир Путин на мировни преговори само откако ќе биде договорен заедничкиот план со американските и европските лидери.

Тој додаде дека Украина сака мир, но и се потребни вистински безбедносни гаранции, велејќи дека е „благодарен“ за американската поддршка.

Трамп претходно рече дека американските, руските и украинските претставници ќе се сретнат во Минхен на безбедносната конференција, но Москва изјави дека не добиле покана, што го потврдија и германските власти.