Украина нема никакви карти во рацете, изјави американскиот претседател Доналд Трамп за потенцијалните преговори околу завршувањето на војната со Русија.

Тој ги оцени разговорите со Украина како не толку добри, додека оценката за разговорите со рускиот претседател Владимир Путин рече дека биле многу добри.

„Преговараме со Русија, со Украина, во обид да ја завршиме таа ужасна ситуација. Тоа е страшно. Гледам слики кои за среќа не можете да ги видите. Не сакате да ги видите. Тоа е поле за убивање. Имате млади војници кои се убиваат, илјадници неделно и мораме да го завршиме тоа. Тоа е лошо за Русија, лошо за Украина и лошо за нас на хуманитарна основа. Имав многу добри разговори со Путин, не сум имал толку добри разговори со Украина. Тие немаат никакви карти, но играат цврсто. Но, нема да дозволиме ова да продолжи. Оваа војна е страшна. Никогаш немаше да се случи да бев претседател. Но, тоа се случи, па јас се заглавив со тоа. И нашиот свет е заглавен со тоа. И во моментов имате земја која има свои градови и тие изгледаат како места за уривање“, рече Трамп.