А појавувањето на новата влада означува и значајни промени и во контекст на надворешната политика на земјата особено во односите со САД, безбедноста и одбраната, како и геополитичкиот статус.

Лидерот на победничката партија Фридрих Мерц вели дека администрацијата на Трамп станала „во голема мера рамнодушна кон судбината на Европа“ и дека негов „апсолутен приоритет“ е брзо да ја зајакне Европа за да „постигне вистинска независност од САД“.

Со повеќе нагласен фокус на одбраната, Германија ќе треба да ја преиспита својата позиција, како и улогата во глобалните безбедносни прашања.

Одлуките за безбедност и одбрана мора да се донесат со поголема независност, што ќе вклучува и изградба на силен воена капацитет.

Меѓутоа, Германија исто така ќе треба да гради нови партнерства, како со земјите од Персискиот Залив и Јужна Америка, и да се фокусира на заштита на своите економски и национални интереси, што ќе биде предизвик за идната влада.

Во светло на воената ситуација во Украина и геополитичките промени, Германија е на пресвртна точка, која бара нова стратегија и одговорност во светот.