Во дербито на двете најдобри екипи во Западната конференција Оклахома го совлада Денвер со 127-103 за седма победа по ред во НБА-лигата. Шеи Гилџеус Александер со 40 поени ги предводеше Тандер до триумфот, а Џејлен Вилијамс запиша 26 поени. Кај Нагетс, Никола Јокиќ го заврши натпреварот со 24 поени, 13 скока и му недостигаше една асистенција за трипл-дабл.

Ослабениот Далас загуби на домашен паркет од Феникс со 116-125, во дербито на Истокот, Кливленд славеше на гостувањето кај Милвоки со 100-112.

Филаделфија беше подобра од Јута со 126-122, Мемфис славеше во Њу Орлеанс со 104-107, Минесота убедливо го совлада Сан Антонио со 141-124, Детроит со 112-119 се радуваше кај Портланд, а Лос Анџелес клиперс го совладаа Сакраменто со 111-110 во продолженијата.