На 11 март, Собранието изгласа недоверба на петте членови на Судскиот совет – истите што ги избра самиот законодавниот дом. Иако интерпелацијата не е обврзувачка, владејачкото мнозинство очекува оставки. Премиерот Мицкоски, пак, веќе најави „народен притисок“ доколку тие не се повлечат. Значи, ако членовите на Судскиот совет не си заминат сами, ќе им се случи народ и ќе ги „испрати“ во историјата или барем така вели премиерот, кој ветува дека ќе биде во првите редови на протестите.
Европскиот парламент веќе го оцени како „загрижувачки знак“ за политичко мешање. А, експертите прашуваат: Ако петте члена се повлечат, кој ќе ги замени и според какви критериуми?

Дали владата врши притисок врз судството или се бори за реформи?

Анкета: Дали треба премиерот да учествува во протести против членовите на Судскиот совет? Да / Не