Нови цени на горивата. Дизелот и Еуросупер БС-95 од ноќеска на полноќ поевтинуваат за два денари по литар, а цената на Еуросупер БС-98 се намалува за 2,5 денари за литар, одлучи Регулаторна.
Новата малопродажна цена на Еуросупер БС-95 е 74 денари за литар, Еуросупер БС-98 ќе се продава за 76, дизелот за 66,5 денари, а Екстра лесно масло за горење за 66,5 денари за литар. Со одлуката на РКЕ се намалува и малопродажната цена на Мазутот.
