Нестабилната временска состојба продолжува и викендов. Во сабота ќе се задржи променливо облачно со сонце и нестабилно со повремени локални врнежи од дожд и грмежи. Наместа процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град.
Во Скопје, променливо облачно, попладне во делови од котлината ќе биде нестабилно со пороен дожд, грмежи, засилен ветер и изолирана појава на град.
Минималната температура ќе се движи во интервал од 5 до 12°C, а максимумот од 16 до 24°C.
Информација од утрово:
Наврнат воден талог за изминатите 24 часа до 8 часот (во л/м²)
26 Крушево, 23 Маврови Анови, 14 Скопје-Петровец, 13 Охрид, Битола, 11 Попова Шапка, 8 Крива Паланка, Претор, Тополчани, 7 Лазарополе, 3 Берово, 2 Скопје-Зајчев Рид, Куманово, Прилеп, Пожаране, 1 Тетово, Демир Капија.
Забелешка:Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.
Температура на вода, измерена во 7.30 часот (во °C)
Охридско Езеро 13.0, Преспанско Езеро 11.5, Дојранско Езеро 18.4.
Деталите во Телма МЕТЕО со Ирена Лазарова – Димитровска, во соработка со УХМР!
e-mail: [email protected]
