Демократската унија за интеграција (ДУИ) остро реагираше на изјавата на претседателката Гордана Сиљановска Давкова, според која нема потреба од предвремени избори ако Владата има 61 пратеник, дури и доколку албански пратеници ја напуштат коалицијата.

Според ДУИ, со тоа таа ја занемарува етничката рамнотежа и се позиционира на страна на Владата, што ја поткопува нејзината улога како обединувач.

Интегративците ја обвинија дека станала „гласноговорничка на едноетничката доминација“, а не чувар на соживот и консензус.

Сиљановска Давкова, пак, останува на ставот дека институциите функционираат и оти нема основа за распуштање на Парламентот.