Чорбата е одамна испиена, една од точките на агендата на Таравари е добивање време, рече Беким Сали од „Вреди“ во вечерашната дебата во „Топ тема“ на ТВ Телма.

„Ние сме разумни луѓе, треба да бидеме учтиви и умни како политичари кои што сме одговорни пред јавноста. Да не губиме време за нешто што е кристално јасно кон што води. Седум месеци сме изгубиле во преговори за формирање на заеднички листи за пристапување кон парламентарни избори. Седум месеци. Значи тоа не биле преговори, тоа било крадење време“, вели Сали.