Американскиот претседател Доналд Трамп најави „голема“ прес-конференција на која како што информираше ќе биде објавен „голем трговски договор“ со „високо почитувана земја“.

Неофицијално станува збор за договор со Велика Британија со кој се предвидува намалување на царинските стапки.

Во моментов, повеќето стоки увезени во САД од Велика Британија се подложени на царини од 10%, со повисоки стапки за челик, алуминиум и автомобили.

Велика Британија, исто така, наплаќа царини за некои американски стоки.

Договорот би можел да доведе до намалени царини за автомобили што влегуваат во САД и Велика Британија и намалување на дигиталниот данок на промет за американските фирми.

Но, и покрај целата оваа помпа, ова нема да биде традиционален договор за слободна трговија, пишува Би Би Си.