Европската Унија прави напори да обезбеди вакцини против Ковид-19 за земјите од Западен Балкан, им кажал еврокомесарот за проширување и соседска политика на Европската Комисија, Оливер Вархеји, на вицепремиерот Никола Димитров и неговите колеги од регионот.
Според Вархеји, станува збор за дополнителни дози вон ковакс механизмот за кои ЕУ ќе обезбеди финансиски средства преку ИПА фондовите.
Во соопштението од владата нема дополнителни информации за колкави количини на вакцини станува збор и кога тие би можеле да се очекуваат во засегнатите држави а средбата се опишува како координативна.