Министерството за животна средина почна со изработка на Студијата за валоризација на природните вредности на масивот Јабланица, како прв чекор за можно прогласување на ова подрачје за заштитено.

Процесот вклучува собирање на податоци за биолошката разновидност, геодиверзитет, хидрологија и други природни елементи, теренски истражувања, ГИС-анализа и јавни консултации.

Иницијативата е поддржана од општините Струга и Вевчани, а Јабланица веќе е дел од Емералд мрежата и идентификувана е како потенцијално „Натура 2000“ подрачје. Оваа студија ќе биде основа за долгорочна заштита и одржливо управување со регионот.