Министерот за здравство Арбен Таравари најави дека денеска ќе си ја поднесе оставка од министерската позиција по одлуката неговото крило од Алијанса за Албанците да ја напушти владината коалиција и да премине во опозиција.

Тој очекува и останатите партиски кадри во институциите да бидат разрешени. Сè уште е неизвесно дали со неговото заминување ќе си замине и вицепремиерот за добро владеење, Арбен Фетаи, кој до сега не даде конкретен одговор. Премиерот Христијан Мицкоски најави дека следната недела ќе биде познат новиот состав на Владата без кадри од Алијанса.

Лидерот на Беса, Биљал Касами, порача дека ресорот здравство ќе остане во рацете на коалицијата ВЛЕН. Од Владата потврдија дека нема да има реконструкција, туку само замена на министри.