Досегашниот министер за здравство Арбен Таравари си поднесе оставка од функцијата по внатрекоалициските превирања и несогласувања со доскорешните партнери од ВРЕДИ.

Оставката ја поднел во 15:00 часот, соопштија од неговата партија кои го објавија писмото со образложение на оставката.

-Со ова писмо, Ве известувам дека поднесувам неотповиклива оставка од функцијата Министер за здравство на Република Северна Македонија. Одговорноста што ја преземав со оваа функција ја извршував со максимална посветеност, транспарентност и чувство на должност кон граѓаните и државата. Одлуката ја донесувам по внимателна лична и професионална проценка, уверувајќи дека овој чекор е во најдобар интерес и за институцијата и за моите лични принципи.

Ви благодарам за довербата и можноста да бидам дел од Владата во еден исклучително значаен период за здравствениот систем. Останувам отворен за соработка и поддршка во иднина, секогаш водејќи се од јавниот интерес, стои во писменото образложение.