Оваа недела на 28 март, во 07:55 часот во Скопје пристига првата пратка од 24.000 вакцини на Астра Зенека преку Ковакс системот, информираше министерот за здравство Венко Филипче, преку социјалните мрежи. Идната недела во Скопје пристигнува и кинеска делегација од 19 лица, во придружба на кинескиот министер за одбрана. Но, со него нема да донесе и вакцини. Очекувањата се дека  барем ќе донесе надеж и најава кога би можеле да пристигнат и вакцини од Кина, за конечно да почне масовна имунизација на населението.  Претходно 24.300 дози вакцини од Фајзер преку програмата Ковакс денеска пристигнаа во Сараево а Албанија веќе прими 38.400 вакцини.