Русија соопшти дека составила мировен „меморандум“ во кој ги наведува своите услови за прекин на конфликтот со Украина. Русија е подготвена да го претстави меморандумот на Киев на директни разговори во Истанбул на 2 јуни.

„Нашата делегација е подготвена да го презентира овој меморандум на украинската делегација и да ги даде потребните објаснувања за време на втората рунда директни разговори во Истанбул в понеделник, 2 јуни“ изјави министерот за надворешни работи Сергеј Лавров.