Вчера во Истанбул се одржа втора рунда директни преговори меѓу Украина и Русија, кои завршија со договор за размена на загинати и тешко ранети војници, но без конкретен напредок за решавање на тројгодишниот конфликт.

Жителите на Киев и украинските војници се скептични дека овие разговори ќе доведат до мир.

Украински војник вели дека тие што носат одлуки не се исти како учесниците на овие преговори и дека предлозите на двете страни не се усогласени.

Професор од Киев пак оценува дека Русија нема да го смени својот однос кон Украина, додека вработен во армијата повреден во конфликтот порача дека додека Русија продолжува со агресијата, мир нема да има.

Оваа нова рунда преговори доаѓа во време кога конфликтот продолжува да предизвикува страдања и несигурност за иднината на Украина.