Милиони граѓани на Јужна Кореја денеска гласаат на вонредни претседателски избори, по смената на претседателот Јун Сук Јол, кој се соочува со судење за бунт поради краткотрајното воведување воена состојба во декември минатата година.

Истражувањата на јавното мислење покажуваат дека либералниот ривал Ли Џе-мјонг е во предност, користејќи ја длабоката фрустрација на јавноста кон конзервативците по кризата со Јун.

Конзервативниот кандидат Ким Мун Су се обидува да ги убеди неопределените гласачи, додека неговата партија се соочува со внатрешни поделби околу постапките на Јун. Овие избори се уште еден важен момент за корејската демократија, но аналитичарите предупредуваат дека политичките тензии предизвикани од Јун нема лесно да исчезнат.

Новоизбраниот претседател ќе биде инаугуриран веќе утре, без вообичаениот двомесечен транзициски период.

Тој ќе се соочи со предизвици како забавена економија, политиките на Доналд Трамп и нуклеарната закана од Северна Кореја.