Карлос Алкараз се пласираше во финалето на Ролан Гарос откако неговиот ривал Лоренцо Музети го предаде мечот во четвртиот сет поради повреда.

Музети одигра одличен прв сет, што го доби со 6-4, но потоа Алкараз израмни откако беше подобар во тај-брејкот. Третиот сет Шпанецот го доби со максимални 6-0, а еден гем претходно Италијанецот побара медицинска помош поради проблеми со левата нога. Во четвртиот сет, Музети загуби уште два гема, па реши да го предаде мечот, бидејќи не можеше да продолжи.

Алкараз, кој е актуелен бранител на трофејот во големото финале во недела ќе се соочи со подобриот од дуелот помеѓу светскиот рекет број 1, Јаник Синер и Новак Ѓоковиќ, што стартува вечерва.