Десетици илјади политички опоненти на српскиот претседател Вучиќ, се собраа во Белград со барање за предвремени парламентарни избори.

Тензиите се зголемија пред протестот во Белград, кој го организираа студентите на српските универзитети.

Вучиќ и неговата Српска напредна партија постојано го одбиваат барањето за предвремени избори и ги обвинуваат демонстрантите дека планираат да поттикнат насилство по наредба од странство, што не го прецизираа.

Неколку часови пред студентските протести, партијата на Вучиќ со автобуси донесе голем број свои поддржувачи во Белград кои скандираа: „Нема да се откажеме од Србија“.