Израелскиот суд денеска го прифати барањето на премиерот Бенјамин Нетанјаху да ги одложи рочиштата од процесот против него по обвиненија за корупција, закажани за следната недела.

Нетанјаху го аргументира своето барање со причини поврзани со неговите дипломатски активности и безбедноста. Неговите мотиви се класифицирани.

Претходно, американскиот претседател Доналд Трамп ги критикуваше израелските обвинители поради процесот против Нетанјаху. Нејасно е до кој степен објавата на Трамп на неговата социјална мрежа „Трут Соушл“ влијаела на одлуката на Окружниот суд во Ерусалим.

Нетанјаху ги отфрла обвиненијата против него за корупција, измама и злоупотреба на доверба како политички мотивиран „лов на вештерки“ од страна на левицата.

Тој требаше утре да се појави пред судот на вкрстено испрашување.