Новак Ѓоковиќ убедливо го совлада Британецот Даниел Еванс и се пласира во третото коло на Вимблдон. По мечот ги сподели впечатоците од мечот и упати пораки до Федерер и Надал. Запрашан како гледа на својот прв настап на гренд слемот на лондонската трева пред точно 20 години, српскиот тениски ас одговори:

„Не можам да се сетам, одамна беше. Највисокото ниво на тенис бара многу откажувања. Не играм толку често како останатите, повеќе си играм со моите деца. Не гледам премногу наназад, но сигурно ќе го направам тоа кога ќе ја завршам кариерата. Се замислувам себеси на плажа во пензија, со Федерер и со Надал, како разговараме со коктели и се потсетуваме што сe направивме“, рече Ѓоковиќ.

Триумфот против Еванс беше негов 99-тина Вимблдон и по 19-ти пат се пласира во третото коло во Лондон, што е апсолутенрекорд во машкиот тенис.

„Тој факт говори дека играм баш долго. Деветнаесет пати, тоа е колку што имаат години Синер и Алкараз“, се пошегува Ѓоковиќ.