Кошаркарскиот клуб Дубаи сериозно се засилува за својата прва сезона во Евролигата. Само два дена по ангажманот на Џанан Муса од Реал Мадрид, новиот евролигаш го потврди и трансферот на српскиот репрезентативец Алекса Аврамовиќ.

Аврамовиќ минатата сезона настапуваше за ЦСКА Москва, каде имаше одличен учинок – просечно по 12,8 поени, 3,4 асистенции и 2,8 скока по натпревар. За своите партии беше избран и за најдобар новајлија во ВТБ Лигата. Сега се враќа во Евролигата со тригодишен договор, и тоа во тимот на амбициозниот Дубаи, каде ќе игра заедно со поранешните соиграчи од Партизан – Данило Анѓушиќ и Немања Дангубиќ.

Во текот на кариерата Аврамовиќ настапуваше за неколку клубови во Србија и Европа – Борац Чачак, ОКК Београд, италијанскиот Варезе, како и шпанските Уникаха и Естудијантес. Со српската репрезентација освои сребро на Евробаскетот во 2023 година и бронзен медал на Олимписките игри во Париз 2024.