Сирискиот претседател, Ахмад ал-Шара изјави дека Израел нема да успее да ја подели земјата и ги повика сите сириски граѓани, особено друзите, на единство и отпор против странските провокации. Во обраќање на државната телевизија, тој нагласи дека „заштитата на правата и слободите на друзите е врвен приоритет“ и додаде дека „никому нема да му се дозволи да ја наруши убавата слика на сириската разновидност“.

Изјавата доаѓа по неколкудневни судири во провинцијата Суејда. Ал-Шара порача дека Израел се обидува да го уништи сириското единство и да ја претвори земјата во „театар на хаос“, но дека народот ќе одолее на тие обиди. Ситуацијата се смета за најсериозна закана по стабилизацијата на земјата по падот на Башар ал-Асад.