Министерството за здравство информира дека поради прекин во водоснабдувањето во Универзитетската клиника за белодробни заболувања кај децата– Козле, веднаш е побарано од Универзитетска клиника за детски болести и Универзитетска клиника за инфективни болести и фебрилни состојби времено да ги згрижат пациентите кои ќе имаат потреба од хоспитализација. Додека пак болницата Козле ќе продолжи да ги третира пациентите како дневна болница и ќе врши амбулантските прегледи.. Вчера беше донесена цистерна со вода која ги задоволуваше потребите, но работа на лабораторијата беше попречена поради тоа што е потребна чиста вода, рече за Телма директорката Катерина Бошковска. А жителите од околните куќи велат дека веќе една недела имаат вода за пиење само во ноќните часови од три по полноќ до осум наутро.