Како што информира Центарот за управување со кризи во изминатото деноноќие се евидентирани вкупно 38 пожари, од нив шест се уште активни, пет се ставени под контрола, а 27 се изгаснати.

Гори во Општини Василево, Радовиш и Берово – с. Нивичино, Мал Готен и Малешевските планини, каде огнот зафали нискостеблеста шума, смрека, грмушки и ниска вегетација, потоа Општина Македонски Брод – с. Грешница, каде гори мешана шума и сува трева, па помеѓу с. Локвица и с. Крапа , као и с. Латово. Во Општина Прилеп – с. Штавица кон селата Чумово, Волково и Прилепец гори ниска вегетација и деградирана шума, и во  Општина Желино – помеѓу селата Церово и Групчин запалена е нискостеблеста и деградирана шума.

Под контрола се пожарите во Општина Ресен – с. Шурленци до с. Езерани, село Николич, дојранско, кај селата Џидимирци, Крушје и Иванковци, велешко, потоа село Симница, гостиварско и помеѓу селата Царевиќ и Смолани, односно месноста викана Радобилски рид во прилепската општина.

Од ЦУК информираат дека изминатото деноноќие згаснати се 27 пожари и тоа:

1. Студеничани – с. Студеничани (ѓубре)
2. Шуто Оризари – с. Визбегово (сува трева)
3. Сарај – с. Љубин (сува трева)
4. Кисела Вода – ул. Мариовска (сува трева)
5. Гази Баба – с. Трубарево (сува трева)
6. Прилеп – с. Тројаци (сува трева)
7. Долнени – с. Горно Село (сува трева)
8. Струмица – с. Дабиле (стрниште и ѓубре)
9. Гевгелија – с. Прдејци (ѓубре и сува трева)
10. Кичево – н. Осој (ѓубре)
11. Велес – с. Оризари (вегетација)
12. Свети Николе – автопат Свети Николе – Штип (сува трева)
13. Куманово – Индустриска зона (ниска вегетација и ѓубре)
14. Куманово – с. Речица (сува трева)
15. Куманово – кај ресторан Аркус (сува трева)
16. Липково – с. Оризаре (сува трева)
17. Липково – с. Оризаре (повторно пријавен пожар)
18. Старо Нагоричане – с. Старо Нагоричане (отпад)
19. Старо Нагоричане – Челопек (грмушки и сува трева)
20. Старо Нагоричане – с. Драгоманце (грмушки и сува трева)
21. Кратово – с. Железница (стрниште и сува трева)
22. Кратово – кај филтер станицата (стрниште и сува трева)
23. Брвеница – с. Брвеница (ниска вегетација)
24. Брвеница – с. Теново (ѓубре)
25. Желино – с. Стримница (нискостеблеста шума)
26. Гостивар – с. Чајле (ниска вегетација)
27. Гостивар – с. Симница (ниска дабова шума)