Аларм за чист воздух и повици за одговорност за загдувањето од Вардариште, побараа жителите на општина Аеродром и од овој протест. Тврдат дека депонијата често гори и безмалку секоја вечер се чувствува чад и смрдеа. Сериозно се загрижени за последиците по здравјето.

Покрај повиците за одговнорст локалните жители испратија и предлози за решение на проблемот со депониите:

Оградување и заштита на депониите за да се спречи ширење на токсични честички

Чистење и делумно расчистување на постојните депонии,

Затворање или дислокација на најголемите и најопасните депонии,

Обезбедување на редовно следење и инспекција на сите депонии,

Основно право на чист воздух, кое според нив е систематски игнорирано.

Жителите на Аеродром подолг период алармираа за загадениот воздух, но чашата ја прели пожарот на дивата депонија Вардариште, кој предизвика сериозни последици а општината ја остави неколку часа без струја поради прекин на електричната мрежа.

Симона Петровска