Украинскиот претседател Володимир Зеленски за време на својата трета посета на Вашингтон годинава, ќе се обиде да го убеди Трамп да ѝ испрати на Украина ракети „Томахавк“ со дострел до 2.500 километри, со кои би можеле да се таргетираат цели длабоко во Русија.

Трамп неодамна изјави дека „можеби“ ќе одобри ваква помош, но по разговорот со Путин изрази загриженост за американските резерви на ракети. Меѓувреме, Русија изврши еден од најмасовните напади врз Украина годинава, со повеќе од 320 дронови и десетици балистички ракети.

Украинскиот амбасадор во САД изјави дека тоа покажува дека Москва нема вистинска намера за мир и побара засилување на воздушната одбрана и испорака на оружје со дојг дострел.

Т.Д.