Постепено се враќаат во функција погоните во рафинеријата „Дунав“ на унгарската нафтена и плинска компанија МОЛ кои не претрпеа штета во пожарот што избувна ноќеска. „Ројтерс“ пренесува дека на лице место сè уште се наоѓаат противпожарни екипи.
„Пожарот е ставен под контрола“, пренесуваат од компанијата и додаваат дека паралелно се работи и на обезбедување на подрачјето. Во тек е истрага за причините и проценка на настанатата штета. Во инцидентот, за среќа, нема повредени.
Медиумите во Унгарија пренесуваат сведоштва на граѓани кои велат дека слуѓнале експлозија пред пожарот. Рафинеријата „Дунав“ е една од најважните постројки за преработка на нафта во Унгарија.
Унгарскиот новинар Саболц Пањи пишува дека пожарот во „Динав“ се случил по само неколку часови од експлозијата во рафинеријата на Лукоил во романскиот град Плоешти. Идентична објава има и од украинскиот истражувачки новинар Анатолиј Шариј, критичар на претседателот Володимир Зеленски.
‼️A fire with multiple explosions hit Hungarian oil giant MOL’s refinery in Százhalombatta on Monday night. The cause remains unknown.
It came just hours after an explosion at Romania’s Lukoil refinery in Ploiești earlier the same day.
📸 Video from Százhalombatta by @444hu pic.twitter.com/ee4QcEXS7G
— Szabolcs Panyi (@panyiszabolcs) October 21, 2025
„Постројката на МОЛ, најголема и најмодерна во Унгарија, прима руска нафта преку нафтоводот Баратсаг. Романската постројка припаѓа на руската компанија Лукоил и има годишен капацитет од 2,5 милиони нафта, што ја прави еден од најголемите во Романија. Киев сфати дека спроведувањето на саботажи во Европа е сигурно и оти никој нема да биде казнет, па отиде чекор натаму. Што е следно, бомбардирање на политичките противници?“, објави Шариј.
In 24 hours, serious incidents occurred at two oil refineries: on Monday night a fire broke out at the MOL plant in Százhalombatta (Hungary), and several hours earlier an explosion shook the Petrotel–Lukoil refinery in Romania.
The MOL plant, which is the largest and most modern… pic.twitter.com/xghOedeXP5
— Anatolij Sharij (@anatoliisharii) October 21, 2025
Претпладнево се огласи и унгарскиот премиер Виктор Орбан кој истална дека разговарал со челните луѓе на МОЛ и порача дека снабдувањето со нафта во земјата е стабилно.
Рафинеријата „Дунав“, која започна со работа во 1965 година, годишно може да преработи 8,1 милиони тони сирова нафта Заедно со другата рафинерија на МОЛ во Словачка, главно се снабдува со руска нафта преку јужниот крак на нафтоводот „Дружба“.
По веста за пожарот, акциите на МОЛ паднаа за 1,7 отсто.
С.Д.
