Македонскиот женски одбојкарски првак Јанта Волеј се пласираше во третото коло во Лигата на шампиони на ЦЕВ откако вечерва го совлада босанскиот тим Гацко и на реваншот во Требиње.

Јанта Волеј со двојна победа ја продолжи европската бајка. По скопските 3-2, денеска девојките од Кисела Вода славеа против Гацко и на гостински терен исто така во пет сетови. Мери Бошковска со 17 поени беше лидер на тимот, додека средните блокери Јасмин Ледесма и Татјана Јаневиќ имаа по 12 поени.

Во третото коло од Лигата на шампиони, скопскиот состав сега ќе игра  двомеч со францускиот состав Валеро ле Канет. Првиот натпревар се игра во Франција на 13 ноември. 

Вечерва настап во европските купови имаше и тимот на Наковски Волеј, кој загуби на гостувањето кај Острава во Чешка со убедливи 3-0 во сетови во рамки на Челинџ Купот. Реваншот е на 5.ноември во Струмица.