Патoлошка љубомора и љубовни недоразбирање се мотивите на 74-годишниот Д.А за да на свиреп начин ја убие 79-годишната Б.Н од Штип.
Според исказот на осомничениот тие биле во врска со убиената жена.
Откако ја убил ги сечел деловите од нејзиното тело, во дворот на убиецот пронајден е трупот на жената, а на кој по обдукцијата се утврдило дека на него има фрактури на ребрата, но нема убоди од нож.
Истражните органи се уште ги бараат остатоците од телот на свирепо убиената 79-годишна штипјанка.
Министерството за внатрешни работи вчера објави дека 79-годишната жена претходно насила била држена во домот на убиецот.
На 24. октомври била пријавена за исчезната од страна на нејзината 84-годишна сестра.
По преземаните мерки и истрага од полицијата трагите ги водат во домот на 74-годишниот Д.А.
Од обвинителство денеска соопштија дека Основното јавно обвинителство – Штип донесе Наредба за спроведување истражна постапка против едно лице, осомничено за кривично дело – Убиство.
- Осомничениот 74-годишник, при вршење семејно насилство, лишил од живот жена со која биле во блиски лични односи, така што со тврд предмет и задал повеќе удари во главата, кршејќи и го черепот. Потоа, со остар предмет пресекол делови од телото и ги сокрил на непознато место, а трупот го закопал во дворот од куќата, се вели во соопштението од Обвинителството.
Јавниот обвинител проценил дека постои опасност од бегство, но и можност осомничениот да ги сокрие трагите од кривичното дело, па до судијата на претходна постапка достави предлог за определување мерка притвор.
Викторија Јованова Димитровска
Б.С.
