Кинеската амбасада остро реагираше на средбата на потпретседателот на собранието, Антонио Милошоски со делегација на претставништво на Тајпеј во Италија, што се одржа во средата во собранието, а на која присуствувале и пратениците Фатмир Битиќи од СДСМ и Рашела Мизрахи од ВМРО-ДПМНЕ.

Кинеската амбасада во отворено писмо пишува дека „ова е тежок погрешен чин кој го крши принципот „една Кина“, политичка обврска што Македонија ја презеде при воспоставувањето на дипломатски односи со Кина и став што го потврдија претседателката Сиљановска-Давкова и претседателот на владата, Мицкоски, со што ја поткопува политичката основа на нашите билатерални односи. Исто така, испраќа погрешен сигнал до сепаратистичките сили кои се залагаат за „независност на Тајван“.

Амбасадата на Кина го изразува своето силно незадоволство и категорично противење, пишува во реакцијата на кинеската амбасада.