Иднината на украинскиот регион Донбас и нуклеарната централа Запорожје се двете точки од кои зависи договорот за крај на војната меѓу Русија и Украина. Ова го порача Кит Келог, претставник на американскиот претседател Доналд Трамп, кој нагласи оти напорите за решение се влезени во последните 10 метри кои, како што додаде, се секогаш најтешките.

„Ако ги решиме тие две прашања, мислам дека преостанатиот дел од работите ќе ги решиме прилично добро. Речиси сме на целта, навистина сме многу, многу блиску“, рече Келог.

Според првичните американски предлози, нуклеарната централа Запорожје, чии реактори се моментно затворени и во режим на ладен погон, повторно би профункционирала под надзор на Интернационалната агенција за атомска енергија, а произведената електрична енергија подедканво би се распределила меѓу Украина и Русија.

С.Д.