Близнаците панди, Ксиао и Леи, родени и одгледувани во Зоолошката градина Уено во Токио, ќе бидат вратени во Кина следниот месец.

Нивното заминување ќе ја остави Јапонија без панди по првпат во последните 50 години.

Пандите се испраќаат од Кина како симбол на пријателство, а Кина ја задржува сопственоста врз нив и врз било кои младенчиња.

Првиот пар панди бил испратен во Јапонија во 1972 година за нормализирање на дипломатските односи, а од тогаш земјата никогаш не останала без нив.

Односите меѓу Јапонија и Кина последно време се затегнати поради изјави за можна воена интервенција околу Тајван, ограничување на туризмот и воени маневри на Кина во близина на јужниот дел на Јапонија.

Б.С.