Во скопското Инџиково од рано утрово се спроведува акција за рушење на бесправно изграден објект, информираше градоначалникот на Гази Баба, Бобан Стефковски.

Објектот бил во приземје, со планирана надградба на уште еден кат, и покрај донесеното решение од градежниот инспектор за стопирање на градбата, инвеститорот продолжил со градежни активности.

Акцијата се спроведува од 05:00 часот во координација со МВР, а Стефковски апелира до граѓаните да почитуваат закон и да не започнуваат градба без одобрение за градење.

Според градоначалникот ваквите мерки се неопходни за спроведување на законот и уредување на просторот.