Грчките земјоделци најавија дека ќе ја заострат својата мобилизација со блокади на патишта и автопати низ цела Грција во наредниот период, со цел да извршат притисок врз владата за решавање на проблемите во примарниот сектор.

Тие одбија повик од владата за средба, обвинувајќи ја дека „си игра“ со земјоделците, бидејќи нивните основни барања остануваат неодговорени.

Протестите започнаа на 30 ноември поради зголемените трошоци за производство и ниските цени за продажба на производите, а главното барање е исплатата на заостанатите европски земјоделски субвенции.

Сепак, земјоделците најавија дека нема да ги попречуваат патувањата на граѓаните за божиќните празници и дел од патиштата и патарините веројатно ќе бидат отворени до вторник, кога е закажан нов состанок за одлуки за следните чекори и можно продолжување на блокадите дури и за време на Божиќ и Нова година.