Врховната судијка Мирјана Лазарова Трајковска смета дека измените на Кривичниот законик треба да поминат низ јавна расправа. Ова го кажа во вечерашната „Топ тема“ околу измените што група пратеници од власта ги предложија, пред уставниот суд да донесе конечна одлука за спорните измени од септември во 2023 година.

Пратеници  предлагаат повисоки казни од спорните одредби од 2023 година, но ги враќаат во целост старите со кои за злоупотреби при јавни набавки, функционерите можеа да добијат и до 20 години затвор. Со предложените одредби, максималната казна е 10 години затвор.