Обединетите нации разговараа за тензиите меѓу САД и Венецуела за време на итен брифинг за „закани за меѓународниот мир и безбедност“. Постојаниот претставник на Венецуела во Обединетите нации изјави дека „нема војна на Карибите, нема меѓународен вооружен конфликт, поради што е апсурдно владата на САД да се обидува да ги оправда своите постапки со примена на правилата на војување“.

-Една од земјите што седат на оваа маса јавно изјави дека сака да ја анектира нашата земја. На 16 декември  нејзиниот претседател побара веднаш да ја предадеме нашата земја, нашата нафта и нашите минерали затоа што наводно им припаѓаат.Тој рече дека ако не го  почитуваме неговиот ултиматум, ќе го ослободи бесот на најголемата морнарица во историјата врз нашата земја. Господине претседателе, во присуство на сила што дејствува надвор од меѓународното право, барајќи Венецуелците да ја напуштат нашата земја и да ја предадат, да ја предадат нашата река Ориноко, езерото Маракаибо, островот Маргарита, плажите, реките, рамнините и планините. Во спротивно, тој ќе изврши вооружен напад,  што го најавува со недели. Ова е најголемата изнуда позната во нашата историја,  гигантски злостор на агресија и напредок, надвор од сите рационални параметри, целата правна логика, целиот историски преседан, изјави пред ОН Самуел Р. Монкада, постојан претставник на Боливарската Република Венецуела во Обединетите нации.