Шест и пол милиони евра помалку изнесува Буџетот за пациенти со ретки болести во 2026 година.

Здрженијата на граѓани реагираат дека 24 милиони евра колку што изнесуваше Буџетот за оваа година не било доволно за набавка на терапија за сите лица со ретки болести а за следната година има нови регистрирани пациенти и нови терапии кои нема да може да се покријат со доделените 17,7 милиони евра.

Бараат од министерството и фондот за здравство да ја ревидираат стратегијата за оваа категорија на граѓани како и позитивната листа на лекови.