Турската национална авиокомпанија „Туркиш Eрлајнс“ (Turkish Airlines) најави дека на лето ќе изгради најголем карго терминал и угостителски објект во светот. Инвестицијата ќе чини 100 милијарди турски лири или речиси две милијарди евра.

Авиокомпанијата соопшти дека изградбата на карго терминал и угостителски објект ќе создаде 26.000 нови работни места. Но, „Туркиш Eрлајнс“ не наведе на која локација ќе биде изграден карго терминалот и ресторанот.

Седиштето на „Туркиш Eрлајнс“, која е една од најголемите авиокомпании во светот, е во Истанбул. Турскиот авиопревозник поседува 514 авиони и превезува повеќе од 85 милиони патници.