Министерството за внатрешни работи денеска спроведува активности за тестирање, калибрација и верификација на камерите за сообраќаен надзор во Куманово и Тетово, во рамки на проектот „Безбеден град“. Активностите ќе се одвиваат од 08:00 до 20:00 часот, при што на секоја локација постапката ќе трае од 15 до 30 минути.

Од МВР информираат дека за време на тестирањето, сообраќајот на одделни локации ќе биде привремено прекинат, а по завршувањето ќе продолжи нормално. Граѓаните се повикуваат да ги почитуваат привремените ограничувања и да покажат трпение и разбирање.

Од министерството потсетуваат дека системот „Безбеден град“, кој стартува од 1 февруари, ќе регистрира четири клучни прекршоци: брзо возење, минување на црвено светло, нерегистрирани возила и неправилно паркирање, со цел зголемување на безбедноста во сообраќајот и намалување на бројот на прекршоци.