Североисточниот дел на САД е погоден од зимска бура во текот на викендот. Њујорк го доживеа својот најснежен ден во последниве години, со 28 сантиметри наврнати во Централ Парк.

Главните патишта низ градот беа во голема мера чисти во понеделник наутро, но пешаците мораа да се движат низ снегот на некои тротоари. Градоначалникот на Њујорк, Зохран Мамдани, вели дека „бурата помина, но опасноста останува“, особено за бездомниците што живеат на улиците.

Досега најмалку пет лица  беа пронајдени починати надвор поради ниските температури. Зимска бура донесе мраз и прекини со електричната енергија, непроодни патишта, откажани летови и леден студ во поголемиот дел од јужните и источните Соединети Држави.