Словенечката влада одобри рамка за законска регулатива за ограничување на употребата на социјалните медиуми од страна на деца под 15 години.

Иницијативата дојде од Министерството за образование, рече вицепремиерот Матеј Арчон, но и експертите од индустријата и Министерството за дигитална трансформација, кои ќе го дадат своето мислење за предлозите пред да се донесат какви било мерки, објави словенечката новинска агенција СТА.

Арчон додаде дека владата одлучила да го преземе овој чекор по примерот на другите земји.

„Во светот и во Европа, ова беше жешка тема во последните недели и месеци, а со ова ние, како влада, покажуваме дека се грижиме за нашите деца“, рече Арчон и во тој контекст ја спомена регулацијата на Тик Ток и Снепчет.

Австралија во декември беше првата земја во светот што го забрани пристапот до социјалните мрежи за деца под 16 години, по што најави пристигнаа од Франција, Данска и Грција.

Б.С.