Нема да има компромис со квалитетот на горивата и нерегуларностите и манипулациите при увозот на мазутот изјави министерот за економија Крешник  Бектеши во вечерашната Топ Тема.

Резултатите од вчерашните вонредни контроли по бензински пумпи на 6 компании ќе бидат јавно објавени деновиве а Бектеши најави и санкции за сите компании кои што манипулирале со увозот на мазутот но и одговорност на институциите кои тоа го дозволиле.

Тој информираше и дека царинската управа на Македонија вратила неколку цистерни со мазут заради неисполнување на стандардот согласно правилникот за квалитетот на горивата.

Бектеши појасни дека не станува збор за неисполнување стандарди за квалитет на горивата, во делот на сулфурот туку за други параметри.