Повеќе од 40 проценти од граѓаните во земјава имале проблеми со спиењето во последните три месеци, покажува анкета на Универзитетската Клиника за Психијатрија.

Речиси 70 проценти од испитаниците признале дека користат телефон или друг екран непосредно пред спиење, што според експертите го нарушува квалитетот на сонот.

Повеќето граѓани спијат меѓу пет и седум часа, а само околу една четвртина спијат препорачаните седум до девет часа.

Од клиниката потсетуваат дека добриот сон е клучен за концентрацијата, расположението и здравјето, па по повод европскиот месец на спиењето пораката е – „спиј добро, живеј подобро“.