Администрацијата на американскиот претседател Доналд Трамп му понуди на Иран план за прекин на огнот од 15 точки.

Планот му беше доставен на Иран од посредници од Пакистан, кои понудија да бидат домаќини на обновени преговори меѓу Вашингтон и Техеран.

Меѓу 15-те точки, првите пет се однесуваат на нуклеарниот сектор. Вашингтон бара Иран никогаш да не се обидува да се здобие со нуклеарно оружје, да го предаде целото збогатено нуклеарно гориво на датум утврден од страните, како и да бидат демонтирани неколку клучни нуклеарни објекти и инсталации.

Иран ќе треба исто така да се откаже од поддршката за групи и да престане да финансира или вооружува организации како Хезболах или Хамас. Предвидени се и ограничувања за бројот на ракети со кои земјата може да располага, како и за нивниот дострел.

Дополнително, Ормускиот Теснец низ кој минуваат околу 20 проценти од светските испораки на фосилни горива, ќе мора да остане отворен за пловидба.

Брифираат извори на Асошиејтед прес. Во меѓувреме, американската војска се подготвува да распореди најмалку 1.000 војници на Блискиот Исток во наредните денови, војниците би ги надополниле околу 50.000 војници што веќе се наоѓаат во регионот.

–План од 15 точки е доставен до Иран од Соединетите Американски Држави, со кој се стреми потенцијално да се стави крај на војната што штотуку го наруши Блискиот Исток. Сега, деталитеод овој план остануваат под знак прашалник, но официјални лица изјавија за Асошиејтед Прес дека Пакистан, кој е една од земјите што се обидува да добие дипломатски пат за завршување на конфликтот, го доставил до Техеран. Пакистан, Египет и Турција се клучни во обидот да се преговара за решавање на војната. Сега, Иран инсистира дека ќе продолжи со своите напади засега. И веќе видовме беспилотни летала и ракети како ги таргетираат Саудиска Арабија, Кувајт и Бахреин утрово. И останува нејасно дали ова е само уште една  тактика на притисок од страна на администрацијата на Трамп, бидејќи веќе е наречена 82-ра воздушно-десантна дивизија. Таа дивизија би била клучна за лансирање напади врз аеродроми или потенцијално острови во Персискиот Залив. Веќе се водат дискусии за потенцијалното заземање на островот Харг од страна на САД, кој е главен нафтен терминал на Иран во Персискиот Залив, или заземање на острови поблиску до Ормутскиот теснец, тесниот устие на Персискиот Залив, низ кој пред војната транзитирале околу 20% од целиот природен  гас и нафта, објаснува новинарот на Асошиејтед пресс.